Este Samaín pasámolo de MEDO!

A Bruxa Maruxa regresou este ano a nosa escola para comprobar que as nosas cabazas seguen sendo as máis divertidas e TERRORÍFICASSSSS!

OS MONSTROS MÁIS DIVERTIDOS

XA LUCE NA AULA A COLECCIÓN DE OBXECTOS BRANCOS

A QUE NOS RECORDA A HISTORIA DO PITIÑO BRANCO???

Si ledes con atención este precioso poema de Azucena Aria Correa, seguramente ás familias da Capela lles traerán recordos...uns terédelos moi moi recentes, e outros recordarédelos cun sorriso, porque xa quedan moi lonxe, eses primeiros dias de escola, cheos de nervios para os nenos/as, para as familias e tamén ...ainda que non o creades, para as mestras!

• O pitiño branco
• de crista vermella
• comeza hoxe a escola
• no medio da eira.

• Intúe que a escola
• é algo importante,
• porque no poleiro
• só fan preguntarlle:

• -E ti?...vas á escola?
• -Cando á escola irás?
• -Se non vas á escola...
• non aprenderás.

• Onte pola noite
• non pechaba ollo,
• estaba nervioso
• con todo ese embrollo.

• O pitiño branco
• non dorme, non soña,
• faise mil preguntas
• sobre iso da escola:

• Haberá unha mestra?,
• ou un educador?,
• será un sitio frío?,
• fará nel calor?

• Que fago cando entre?,
• terei que sentar?
• Se non teño sitio...
• poderei marchar?

• Alí hai moita xente...
• coñecerei a alguén?
• Con quen xogo se...
• non coñezo a ninguén?

• E se quero caca
  ou facer pipí...
• a quen llo debo eu
• comentar ou dicir?

• Se vou ao retrete
• Saberei regresar?
  Quen a cremalleira
• me axudará a pechar?

• E se cando acabe
• non me veñen buscar...
• que fago? marchar?
• ou pórme a chorar?

• Estas e outras dúbidas
• fanlle presentir
• que iso da escola
• non é para si.

• Cando dorme, soña
• coa avoa galiña.
• Que emocionada
• está a pobriña!:

• -Como pasa o tempo!
• Onte inda era ovo,
• e hoxe o meu neto
• é un alumno novo!

• Espertou outra vez,
• ás tres da mañá
• e lembrou as cousas
  que lle mercou papá:

• Un lapis, uns folios,
• unhas cores, un traxe...,
• Moitas máis cousas
  que se vou de viaxe!

• O galo ergueuse
• e chamou ao pitiño,
• a pola mandou
• bulir un pouquiño:

• - Hai que bulir un pouco,
• xa pasa da hora
• correde ou non chegamos
• cediño á escola.

• Será que a escola
  - pensa o pitiño
• se vai desprazando
• cada minutiño?

• Ai que nervios teño!
• Xa estamos chegando
• con pitas e pitos
• eu voume atopando.

• O pai, o galo
• está preocupado...:
• que fará o pito
• cando estea esgotado?

• Se a escola é
• -cavila omellor que hai...
• por que lle treme todo
• á miña bela nai?

• Que é iso que soa?
• Que é ese timbre?.
  Non entro, non quero,
• as miñas ás resístense.

• Mamá dáme bicos,
• papá dáme máis,
  nin que me fose
• alén de Xangai!

• Se me dan máis bicos,
• voume suxeitar,
• forte, moi forte,
• non me hei soltar.

• Chegou o momento,
• xa teño que entrar,
• saúdanme na porta...
• isto vaime gustar.

• Papá e mamá
  quedaron un pouquiño
• por se tiña medo
• de ficar soíño.

• Aos poucos días
• vai seguro á escola,
• está pouco tempo,
• máis todo controla.

• E é que esta escola,
  a escola da eira,
• ten un plan de entrada
• que é de primeira.

CREAMOS O PITIÑO BRANCO!

ESTE É O RESULTADO...O NOSO PITIÑO BRANCO!

PRIMEIROS DIAS CHEOS DE NOVAS SENSACIÓNS.

Xa fai un mes que comezamos un novo curso e os máis pequerrechos da nosa escola estanse adaptando moi, pero que moi ben! Xa remitiron as bágoas e só se ven sorrisos nas nosas caras, pero ainda estamos explorando este novo mundo para nós. Para iso temos que mirar, falar, tocar,desfacer, ulir...libremente, e pouquiño a pouco establecemos todos xuntos as normas da aula que nos axudarán a aprender a observar, aprender a escoitar, a recoller,a desenvolver hábitos de autonomia e de hixiene...
Deixamos unhas fotiños para que vexades que non perdemos o tempo e que o pasamos moi ben descubrindo os novos aromas da nosa escola!

OUTRO CUMPLE...OUTRA FESTA! RICARDO SOPROU 3 VELAS!FELICIDADES!

FELICIDADES A MANUEL E WILLIAM QUE XA TEÑEN 3 ANIÑOS!